Vvitisho vya Marekani dhidi ya Mataifa mengine vyakosolewa

Mhadhiri na msomi mashuhuri nchini Marekani ndugu Arvam Noam Chomsky
 amewakosoa vikali viongozi wa Marekani kwa kutoa matamshi ya vitisho dhidi ya Iran. Akihojiwa na Press TV mjini New York, Noam Chomsky amesema kuwa, wanadiplomasia wa Magharibi na hasa Marekani wanatoa matamshi ya vitisho dhidi ya Iran na hata wanathubutu kusema kwamba, chaguo la kutumia njia za kijeshi bado liko mezani, katika hali ambayo utumiaji wa lugha za vitisho dhidi ya nchi nyingine ni ukiukwaji wa sheria za kimataifa. Msomi huyo mashuhuri nchini Marekani ameongeza kuwa, matamshi hayo ya vitisho yanayotolewa na viongozi wa Marekani kuhusiana na miradi ya nyuklia ya Iran yenye malengo ya amani yanaweza kutafsiriwa kwamba Washington inaweza kutumia nguvu za kijeshi dhidi ya Iran. Marekani na baadhi ya washirika wake wa Ulaya mara kadhaa wamekuwa wakiituhumu Iran kwamba miradi yake ya nyuklia ina malengo ya kijeshi. Inafaa kuashiria hapa kuwa, viongozi wa ngazi za juu wa Iran wamesisitiza mara kadhaa kuwa, Iran kamwe haina mpango wa kutengeneza kombora la atomiki, kwani mpango huo unakinzana na misingi ya sheria za dini tukufu ya Kiislamu.

• Share on Twitter
• Share on Google+
• Share on Facebook